Skardymoovie

Musica: Daniele Novello, Roberto Pettenello, Skardy - Testo: Skardy

Ritornello: La me cambiava la giornada
la gavaria baxada
bastava par 'na volta solamente
par ricordarla par sempre

Sarò mi che me piaxe l'imposibile
dixeme che me ciffo massa pirole
folgorà da 'na belessa che no fa dormir la notte
e de giorno co el sonno far a botte
co la vardavo sospiravo caresse
co me vardava ea me se drissava le dresse
ogni giorno svolava baxetti
la me piaxeva tutta co i so pregi e difetti

Ritornello:

Mai vista quea tanto bea da far mal
che ne la to testa deventa un fanàl
che già ti sa no ti a gavarà mai
xe un mondo de squai, ma no se sa mai
piccole parole che ga fatto el so effetto
so un pero cotto, ma spero un pochetto
ormai so fermo, la gira col mondo
co la vedo so a gala co la va via vado a fondo

Ritornello:

"A" ghe piaxe ''Bi" ma a ''Bi'' ghe piaxe "Ci"
"Ci'' ghe piaxe ''Di'' e 'ndemo vanti cossì
so come 'na mocca che spande po' scioppa
ghe lo digo, me tocca e po' c'est la vie
de tutta la settimana chi no odia el lunedì
mi no spetavo altro par vederte ti
che no vedarò mai più ma che 'na parte no va via
un addio liquidà in eresia

Ritornello: