Ocio al sciafòn

Musica: Daniele Novello, Roberto Pettenello, Skardy - Testo: Skardy

No go capio come mai proprio ea
sarà pa i occi o pa la figura da modea
no so i altri, a mi la me ciapa massa
mi no go filtri e gnanca corassa

No ghe ne vedo miga tante come ea
fasso fadiga ricordar una più bea
no me sucede da tanti anni
qua vado in serca de combinar malanni

No go scampo, so che la penso
co la vedo me illumino d'immenso
imposibile no notarla
no riesso stacar de vardarla

No me resta massa tempo che me vansa
fasso el conto, qualità più sostansa
e altre done se le magna a colasiòn
magica visiòn, la xe la me ressuresiòn

Ritornello: Ocio che ti te ciapi un sciafòn ma va la!
ocio che ti te ciapi un sciafòn ma dai!
ocio che ti te ciapi un sciafòn ti dixi?
ocio al sciafòn, ocio al sciafòn

Ocio che ti te ciapi un sciafòn ma come?
ocio che ti te ciapi un sciafòn ma cossa!
ocio che ti te ciapi un sciafòn ma cori!
ocio al sciafòn, ocio al sciafòn

Come de ea no ghe ne vedo miga tante
la me conosse, la sa che so cantante
no so Omero e gnanca Dante
so che la ammiro da poeta diletante

Co la se move me invarigolo
che ghe baxaria el bonigolo
la ga do gambe che me manda in svanimento
co la go a fianco xe guera col tempo

Ritornello:

Tanto no xe cussì grave,
un bruto fa miseria mentre un belo fa perder le bave
come Claudio Baglioni ne insegna
'na bea faccia tira sempre tanta fregna

Basta scrivar complimenti pal solasso
grasie Grasia, Grasiella e grasie al casso
go capio come trovar ispirasion
sperar in ea che fa tornar el sangue in circolasion

No trovarò mai più una come ea
ve prego clonea, po' buteme in barea
co la me vien vanti sento el cuor che me martea
insisto, vardèa e ve farè un idea

La siensa fa progressi
mi fasso el nettacessi
lo riconosso che el so mondo no xe el mio
ma co la vardo resto inebetio

Doman sul tardi la vedarò l'ultima volta
ea aspettarò sua porta, spero che la me scolta
stanotte in letto farò le voltarioe
doman co i nervi, tirai co le moe

Ritornello: